Korean star na si Kim Ji-soo, sasabak sa “Abot Kamay na Pangarap”
- BULGAR
- Aug 18, 2024
- 1 min read
ni Eli San Miguel @Entertainment | August 17, 2024
Sasabak na naman sa isang Pinoy television series ang Korean star na si Kim Ji-soo sa ikalawang pagkakataon.
Inanunsiyo ng GMA Drama nitong Sabado sa X na sasali ang aktor sa mga cast ng medical drama na “Abot Kamay na Pangarap,” kung saan gagampanan niya ang papel ng isang doktor sa APEX Medical Hospital.
Unang inilabas ang teaser ng pagsabak ni Ji-soo sa isang Instagram Reel, na ipinapakita siyang naglalakad sa loob ng ospital.
Matatandaang kamakailan lamang ay lumabas si Ji-soo sa action drama series na “Black Rider” bilang si Adrian Park. Sa seryeng puno ng aksyon, lumahok ang kanyang karakter sa isang eksena ng barilan.
Inaasahan din na bibida si Ji-soo sa pelikulang "Mujigae," kasama sina Rufa Mae Quinto, Alexa Ilacad, Lito Pimentel, at iba pa.
Comments