ni Nitz Miralles - @Bida | October 30, 2020
In-announce ni KC Concepcion sa Instagram kahapon ang guesting ni Apl.de.Ap sa online show niyang Kitchen Collabs. Ihahanda nina KC at Apl.de.Ap ang Vegan Tibok-Tibok. Si KC ay nasa bansa, samantalang si Apl.de.Ap ay nasa London.
“I’ve never made DESSERT in my life and my first time will be with YOU on IG Live! To everyone who’s been requesting for this... I got a treat for ya. Look who’s cooking LIVE on our Instagrams straight from London this Saturday. @apldeap of the Grammy award-winning @bep.”
Kung may mga natuwa sa guesting ni Apl.de.Ap., may mga nagreklamo rin dahil si Piolo Pascual daw ang matagal na nilang inire-request na i-guest ni KC, pero hanggang ngayon, hindi pa sila pinagbibigyan.
Sabi ng ilang comments… “Si Piolo ang most requested,” “Sigurado ka @itskcconcepcion na s'ya ang requested sa 'yo, eh, lahat si Piolo hiling pero 'yan kinuha mo... wala nga kami nababasa na requested 'yan” at “May nag-request ba sa kanya?”
But for sure, kahit mga fans nina KC at Piolo, manonood pa rin ng Kitchen Collabs na mapapanood nang 4 PM bukas (October 31).