Kasalan, pahiwatig ng nakasakay sa kabayo

ni Estrellia de Luna @Panaginip gabay ng buhay | May 19, 2023

Analisahin natin ang panaginip na ipinadala ni James ng Pasig City.

Dear Maestra,

Napanaginipan ko na nagmamaneho ako ng mamahalin at magandang kotse, at madalas din akong managinip na nakasakay ako sa kabayo at pinatakbo ko ito nang mabilis. Tapos may nakasalubong kaming kalapati na lumilipad, kaya lalo itong bumilis.

Ano ang ibig sabihin ng panaginip ko?

Naghihintay,

James

Sa iyo, James,

Ang panaginip mo na nagmamaneho ka ng mamahalin at magandang kotse ay kasaganaan sa buhay at magtatagumpay ka sa negosyo. Ang nakasakay ka sa kabayo at pinatakbo mo ito nang mabilis ay senyales na malapit ka nang ikasal sa iyong napupusuan.

Samantala, ang may nakasalubong kang kalapating lumilipad kaya lalong bumilis ang takbo ng kabayo ay nangangahulugan na malaking kayamanan at dambuhalang suwerte ang paparating sa iyo at magiging mapalad ka sa susunod na mga araw.

Matapat na sumasaiyo,

Maestra Estrellia de Luna