Kahulugan ng wolf at zebra sa bintana

ni Estrellia de Luna - @Panaginip gabay ng buhay | January 07, 2022

Analisahin natin ang panaginip na ipinadala ni Herbert ng Quezon City.

Dear Maestra,

Muntik na akong bangungutin sa panaginip ko dahil may lumitaw na wolf at zebra sa bintana ko, tapos natakot at nagsisigaw ako at bigla akong nagising. Tuyong-tuyo ang lalamunan ko at para akong hindi makahinga. Ano ang ipinahihiwatig ng panaginip ko?

Naghihintay,

Herbert

Dear Herbert,

Ang ibig sabihin ng wolf sa panaginip mo ay mayroon kang kaaway na makitid ang isipan at hindi nakakaunawa ng mabuti at masama. Dahil dito, dapat kang mag-ingat dahil gagawin niya ang lahat upang pabagsakin ka. Talasan mo ang iyong pakiramdam at huwag kang magtiwala sa mga kaibigan.

‘Yung zebra naman ay nagpapahiwatig na palagi kang maging alerto at mapagmatyag. Mahirap kasing tukuyin kung sino ang totoo mong kaibigan at kung sino ang nagbabalat-kayo lamang.

Dobleng pag-iingat ang dapat mong gawin upang makaligtas sa nakaambang kapahamakan.

Matapat na sumasaiyo,

Maestra Estrellia De Luna