Kahulugan ng uminom ng whisky at wine

ni Estrellia de Luna - @Panaginip gabay ng buhay | October 3, 2022

Analisahin natin ang panaginip na ipinadala ni Romulo ng Pangasinan.

Dear Maestra,

Napanaginipan ko na umiinom ako ng whisky. Nang maubos ko ang isang bote ay wine naman ang ininom ko, pero hindi naman ako nalasing.

Ano ang ibig sabihin ng panaginip ko?

Naghihintay,

Romulo

Sa iyo, Romulo,

Ang panaginip mo na umiinom ka ng whisky ay nangangahulugan na may posibilidad na maging lasenggo ka. Nagpapaalala rin ito na iwasan mo na ang pagiging palainom ng hard drinks dahil hindi ito makabubuti sa iyong kalusugan.

Samantala, ang wine ay sumisimbolo ng kasaganaan at kaligayahan kasama ang iyong mga kaibigan. Ang uminom ka ng wine ay nagpapahiwatig na may pagtitipon kang dadaluhan kasama ang iyong mga kaibigan, kung saan magiging masaya at magkakatuwaan kayo.

Ito rin ay nangangahulugang malulutas na ang problemang gumugulo sa iyong isipan, kung saan liligaya ka na sa darating na mga araw.

Matapat na sumasaiyo,

Maestra Estrellia de Luna