Kahulugan ng nahulog sa hagdan

ni Estrellia de Luna - @Panaginip gabay ng buhay | December 05, 2021

Analisahin natin ang panaginip na ipinadala ni Jonabel ng Batangas.

Dear Maestra,

Napanaginipan ko na nahulog ako sa hagdan. Ano ang ibig sabihin nito?

Naghihintay,

Jonabel

Sa iyo, Jonabel,

Ang ibig sabihin ng nahulog ka sa hagdan ay bigo ka sa buhay dahil hindi mo makamit ang mga pangarap mo kahit ano’ng gawin mong pagsisikap. Nawawalan ka ng kontrol sa mga gusto mong gawin at tuloy-tuloy ka kahit hindi mo pa alam ang kaliwa at kanan ng pinapasukan mong sitwasyon. Isa pa, masyado kang nag-aapura. Marami kang pagkakamali na dapat ituwid. Huwag kang sugod nang sugod sa isang proyekto.

Gayundin, huwag sunggab nang sunggab sa kung ano ang in-o-offer sa iyo, sa halip, pag-aralan mo muna ito at pag-isipang mabuti bago pasukin.

‘Ika nga, slowly but surely, ‘yan ang dapat mong ipatupad sa iyong buhay upang hindi ka makaranas ng matinding kabiguan.

Matapat na sumasaiyo,

Maestra Estrellia De Luna