ni Estrellia de Luna @Panaginip gabay ng buhay | August 12, 2023
Analisahin natin ang panaginip na ipinadala ni Larry ng Tarlac.
Dear Maestra,
Napanaginipan ko na may nahukay na gold sa likod ng aming bahay. Pinikyuran agad ito ng kapatid ko na siyang nakahukay ng gold.
Ano ang ibig sabihin ng panaginip ko?
Naghihintay,
Larry
Sa iyo, Larry,
Ang ibig sabihin ng panaginip mo na may nahukay na gold sa likod ng inyong bahay, ay babala na ‘wag kang basta-basta makikipagsapalaran sa negosyong ‘di pa gaanong alam.
Kung may dyowa ka na, maging maingat ka sa pagiging malapit mo sa iyong mga kaibigang babae, dahil magiging dahilan ito ng pagseselos at paghihinala ng dyowa mo.
Samantala, ang kinuhaan agad ng picture ng kapatid mo ang gold na nahukay niya, ay nagpapahiwatig na may kaibigan siyang lihim na naghahangad ng masama laban sa kanya.
Magtatangka siyang manggulo at hadlangan ang mga bagay na alam niyang magiging dahilan upang magtagumpay ang iyong kapatid.
Matapat na sumasaiyo,
Maestra Estrellia de Luna