Kahulugan ng masayang nagbibilang ng maraming pera

ni Estrellia de Luna - @Panaginip gabay ng buhay | December 6, 2022

Analisahin natin ang panaginip na ipinadala ni Albert ng Pampanga.

Dear Maestra,

Napanaginipan ko na ang dami kong pera. Tapos tuwang-tuwa ako habang binibilang ko kung magkano ang lahat ng ito. Kabaligtaran ba ang kahulugan nito?

Naghihintay,

Albert

Sa iyo, Albert,

Hindi kabaligtaran ang kahulugan ng panaginip mo na marami kang pera. Sa halip, ito ay nagpapahiwatig ng kasaganaan, kayamanan at kaunlaran sa buhay. Gayundin, ito ay nagpapahiwatig na susuwertehin ka sa pag-ibig at negosyo.

Samantala, ang binilang mo kung magkano lahat ang nasabing pera at tuwang-tuwa ka habang nagbibilang, nangangahulugan ito na ang pagsasama n’yo ng asawa mo ay bibiyayaan ng maraming anak na magpapasaya sa inyo at magdudulot ng suwerte.

Matapat na sumasaiyo,

Maestra Estrellia de Luna