Kahulugan ng kumain ng melon

ni Estrellia de Luna - @Panaginip gabay ng buhay | December 5, 2022

Analisahin natin ang panaginip na ipinadala ni Jean ng Bulacan.

Dear Maestra,

Napanaginipan ko na gutom na gutom ako, buti na lang, nakakita ako ng melon sa fruit tray at ‘yun ang kinain ko.

Ano ang ibig sabihin ng panaginip ko?

Naghihintay,

Jean

Sa iyo, Jean,

Ang ibig sabihin ng panaginip mo na gutom na gutom ka ay makakamit mo ang gusto mong marating. Magtatagumpay ka sa iyong mga pangarap dahil sa sarili mong pagsisikap. Kung may karelasyon ka na, mag-a-abroad muna siya upang magtrabaho at sa pagbabalik niya, saka pa lang kayo magpapakasal.

Samantala, ang melon na nakita mo sa fruit tray at kinain mo para lunasan ang iyong gutom ay nagpapahiwatig na posible kang mag-travel sa ibang bansa. Kung wala ka pang asawa sa kasalukuyan, posibleng makapag-asawa ka nang hindi mo inaasahan. Liligaya kayo at magsasama hanggang sa wakas ng inyong buhay.

Matapat na sumasaiyo,

Maestra Estrellia de Luna