Kahit mga sikat na… ALDEN AT BEA, PINAG-WORKSHOP KAY NONIE BUENCAMINO BAGO MAG-SHOOTING

ni Nitz Miralles - @Bida | February 18, 2021

Wala sa Eat… Bulaga! kahapon si Alden Richards at ang feeling ng kanyang mga fans, nagsimula na itong maghanda para sa locked-in shooting ng movie nila ni Bea Alonzo na A Moment to Remember.

Bago ang shooting, dadaan muna sina Alden at Bea sa story conferences at acting workshops under Nonie Buencamino kahit mahusay na ang dalawa dahil ang istorya ng A Moment to Remember ay tungkol sa couple na magkakaproblema ang masayang love story dahil magkakaroon ng Alzheimer’s disease ang babae.

Sa halip na February, sa second week na raw ng March ang simula ng locked-in shooting na gagawin sa Manila at iba pang location.

Siguradong naayos ng GMA Artist Center ang schedule ni Alden bago sumabak sa locked-in shooting. Tiyak na nakapag-advance taping na ito sa iniho-host niyang Centerstage at ganundin sa segment niya sa All-Out Sundays.

Sabagay, puwede siyang um-absent sa AOS kung may magpi-pinch hit muna sa kanya. Kaya lang, karamihan sa mga performers ng show, nasa locked-in taping din.