Kahit ibinulgar pa ng 'ex'… BARBIE, 'DI INAMIN SI MIGUEL, PROUD NA PROUD NA BF SI JAK

ni Erlinda Rapadas @Teka Nga | February 14, 2023

Itanggi kaya nina Barbie Forteza at Kyline Alcantara ang inamin ng Kapuso actor na si Miguel Tanfelix sa Fast Talk with Boy Abunda na sila ay naging girlfriend nito?

At least si Bianca Umali, alam ng lahat na naging GF ni Miguel nu'ng pinagtambal sila ng Kapuso.

Hindi naman gaanong pinag-usapan nang ma-link si Miguel kay Barbie, ganoon din ang naging relasyon nila ni Kyline.

Pero, hindi itinago ni Barbie Forteza ang relasyon nila ni Jak Roberto. Si Kyline naman, tinanggap agad ang tambalan nila ni Mavy Legaspi.

Ngayon ay ang Kapuso actress na si Ashley Ortega ang bagong inspirasyon ni Miguel at swak agad ang kanilang love team.

Sa kabila ng kakulangan sa height, malakas ang appeal ni Miguel sa mga chicks. At hindi siya kayang talunin sa pormahan ng ilang matatangkad na Kapuso actors. May mga katangian siyang nagugustuhan ng kababaihan.