Kabilang ang ilang nagbibigay ng SAP… Ilang empleyado ng DSWD, nagpositibo sa COVID-19

ni Ronalyn Seminiano Reonico | August 15, 2020

Inanunsiyo ng Department of Social Welfare and Development (DSWD) na aabot sa 150 ang kanilang empleyado na nagpositibo sa COVID-19.

Saad ni DSWD Director and Spokesperson Irene Dumlao, "Nakakalungkot nga po at marami na rin tayong mga kawani na naapektuhan ng COVID-19. Bagamat patuloy pa rin ang isinasagawa nating pagbigay ng ayuda, gayun din po ang ibang serbisyo at programa ng DSWD.”

Ayon kay Dumlao, 57 sa mga ito ay gumaling na at "the rest, active cases sila at patuloy na binabantayan at binibigyan ng tulong."

Aniya pa, "'Yung mga kawani natin na nag-test positive sa COVID-19 ay kinabibilangan ng nagpapahatid ng social amelioration program, gayon din po 'yung mga kawani nating tumutulong sa pag-assess sa mga kliyente na humihingi ng assistance sa crisis situation, gayon din sa mga humaligi sa pagtugon sa pangangailangan ng locally stranded individuals.”