Join sa b-day party ni Tim sa Baguio, pinagmulta… PRAMIS NI KC: MAGMA-MASK NA PO AKO LAGI

ni Nitz Miralles - @Bida | January 30, 2021

Post ni KC Concepcion sa Instagram, “From now on, even if we all test PCR Negative, I will mask up anytime I find myself in a crowd, for extra safety, and hope we all remind each other to do so too. Let’s learn (and relearn) the safety precautions the government has put in place for us, so we can take care of each other. Love to all.”

Kasunod ito ng balitang kasama siya sa mga imbitado ni Tim Yap sa birthday party nito na ginawa sa Baguio City, kung saan nakita sa video na inalis ng mga sumali sa cultural dance ang kanilang mask at face shield habang nagsasayaw.

Pinaalalahanan din si KC ng isa niyang follower na mag-ingat next time lalo’t role model siya at marami ang gagaya o gumagaya sa kanya. Tingnan n’yo nga at marami ang naging jewelry designer dahil ito ang business ni KC.

Pinagmumulta ang mga guests ni Tim ng P1,500 bawat isa ng pamahalaan ng Baguio. Kayang-kaya ni KC at ng iba pang mga bisita. Aabot daw sa 30 ang guests ni Tim Yap, ibig sabihin, nasa P45,000 ang fine nila, hindi pa kasama ang kay Tim.