Ivana Alawi, umaming may jowa

ni Angela Fernando - Trainee @News | January 5, 2023

Ginulat nga ng Kapamilya actress na si Ivana Alawi ang madlang pipol ng aminin nitong nakaalis na siya sa kanyang single era at nasa isang masayang relasyon sa non-showbiz boyfriend.

Inamin ng aktres sa isang panayam na kauusbong pa lang ng kanilang relasyon.

Sey ng aktres, “My heart is happy. Ayaw ko namang sabihin na super happy, kasi syempre, start pa lang. So, happy.”

Wala namang binigay na ibang detalye ang aktres tungkol sa kanyang jowa dahil gusto raw nito ng pribadong relasyon.

Pagbabahagi nito, selosa raw kasi siya kaya aware siyang hindi magwo-work kapag kapwa niya artista ang magiging partner.

Saad nito, “Alam mo ang nagustuhan ko? Wala siyang kayabang-yabang."

'Yon daw talaga ang bet na bet niya dito dahil ayaw niya sa mayabang.

Aprub naman ang pamilya ng aktres sa bagong tao sa buhay niya at nagbigay pa raw ng advice ang kanyang ina na 'wag niyang ibigay ang lahat.