Ipupuslit sa selda... Shabu sa sapatos ng babae, buking

by Janice Baricuatro @News | September 1, 2026

Photo: Circulated / Tanza Cavite Real Affairs

Kalabosos ang isang babae matapos makuhanan ng hinihinalang shabu sa sapatos na dala niya para sana sa kapatid na nakakulong sa BJMP Tanza, kamakalawa.

Kinilala ang suspek sa alyas Guada, 49, dalaga, ng Brgy. Amaya 6, Tanza. 

Alas-2 ng hapon nang dumating ang suspek para dalawin ang kapatid. Napansin ng duty jail officer ang kahina-hinalang laman ng isang sapatos na dala nito. Nang kapkapan, tumambad ang isang sachet ng hinihinalang shabu na nakasiksik sa sapatos.

Tinatayang 2.42 gramo ng shabu na nagkakahalaga ng P16,456 ang nakumpiska sa suspek. 

Agad siyang inaresto at nakatakdang sampahan ng kaukulang kaso.