Illegal gambling protector ‘Billy Joe’, mas astig pa kay PNP Chief Gen. Acorda?!

ni Pablo Hernandez III @Prangkahan | May 26, 2023

CONFIDENTIAL AT PORK BARREL FUNDS ANG IPANGPONDO SA MAHARLIKA INVESTMENT FUND—Gustung-gusto ng mga traditional politicians (trapo) ang P275 billion Maharlika Investment Fund (MIF), pero ayaw naman nilang mag-ambag o mag-invest dito. Sa halip, ang nais nilang pondo na ilagay dito ay ang pera ng mga depositors sa Land Bank of the Philippines (LBP), Development Bank of the Philippines (DBP), at ambag ng mga miyembro ng Social Security System (SSS) at Government Service Insurance System (GSIS).

Tutal, silang mga trapo lang naman ang may gusto sa P275-B MIF, sana ay sila na lang ang mag-ambagan diyan, kayang-kaya nilang mabuo ang halagang ‘yan dahil mayroon naman silang mga confidential funds at pork barrel funds, period!

◘◘◘

KARAMIHAN SA MAY GUSTO SA MAHARLIKA INVESTMENT FUND, SILA RIN ANG MGA TRAPO NA SANGKOT SA PORK BARREL SCAM—Karamihan sa mga trapo na gustong mapondohan ng P275-B ng MIF ay sila ring mga sangkot sa P10 billion pork barrel scam noon.

Ngayon, dapat pa bang i-memorize kung bakit gustung-gusto ng mga trapo ‘yang MIF na yan? boom!

◘◘◘

ILLEGAL GAMBLING PROTECTOR ‘BILLY JOE’, MAS ASTIG SA PNP CHIEF?—Sa kabila na may direktibang ‘one-strike policy’ laban sa illegal gambling si PNP Chief Gen. Benjamin Acorda, tuloy pa rin ang raket na perya ng bayan-con jueteng nina ‘John Yap’ at ‘Reden’ sa Cavite; Small Town Lottery (STL)-con jueteng nina ‘Ibora,’ ‘Toce’ at ‘Alvarez’ sa Laguna; ‘Tisoy,’ ‘Reyes’ at ‘Biskotso’ sa Batangas at STL-bookies nina ‘Kit’ at ‘Egay’ sa Rizal, at maging ang color games nina ‘Aling Tessie,’ ‘Baby Panganiban’ at ‘Troy’ sa Laguna at Batangas.

Ang dahilan kaya hindi natitigil ang mga ganitong uri ng raket sa mga probinsyang ito ay dahil sa isang alyas ‘Billy Joe’ na illegal gambling protector sa Southern Tagalog region.

Dahil diyan, lumalabas na mas astig si ‘Billy Joe’ kaysa kay PNP Chief Gen. Acorda, tsk!

◘◘◘

KUNG WALANG AKSYON VS. ILLEGAL GAMBLING, DAPAT SIBAKIN NI GEN. ACORDA ANG MGA POLICE OFFICIALS SA SOUTHERN TAGALOG REGION—Kung walang gagawing aksyon sina PNP-Region 4-A Director, Gen. Carlito Gaces; Regional Intelligence Division (RID) chief, Col. Melvin Montante; Cavite PD Col. Christopher Olazo, Laguna PD Col. Randy Silvio, Batangas PD Col. Pedro Soliba at Rizal PD Col. Dominic Baccay laban sa illegal gambling sa Southern Tagalog region, isa lang ang dapat gawin ni PNP Chief Gen. Acorda.

Dapat niyang sibakin sa puwesto ang mga nabanggit na opisyal, at palitan ng mga police officers na may ‘balls’ na banggain ang mga ilegalista at illegal gambling protector sa Southern Tagalog region, period!