Ilang bayan sa Antipolo City, sasailalim sa lockdown

ni Thea Janica Teh - | July 16, 2020

Isasailalim sa one-week lockdown ang anim na bayan mula sa Antipolo City, Rizal dahil sa patuloy na pagkalat ng COVID-19.

Ito ang mga lugar na inanunsiyo ni Mayor Andeng Ynares na sasailalim sa lockdown mula July 18 hanggang 24.

• Phase 2, COGEO Village, Bgy. Bagong Nayon

• Upper Sto. Niño, Bgy. Sta. Cruz

• Lower Ruhat III, Bgy. Mambugan

• Phase 2, Sta. Elena Subd., Bgy. San Jose

• Phase 2, Peace Village, Bgy. San Luis

• College View Park HOAI, Purok 4, Zone 8, Bgy. Cupang

Ayon kay Ynares, pinayagan ng IATF ang pagsasailalim ng mga ito sa lockdown dahil dumoble ang bilang ng mga kaso ng COVID-19 rito at patuloy ang local transmission.

Ang mga frontliner na nakapailalim sa Authorized Persons Outside of Residence list at iba pang medical emergencies lamang ang papayagang lumabas sa araw na ‘yun.

Papayagan ding makalabas-pasok ang mga residenteng nagtatrabaho, magpapakita lamang sila ng company ID sa ma checkpoint.

Samantala, papayagan ding lumabas ang mga residenteng may quarantine pass para bumili ng pagkain.

Sa ngayon, mayroon ng 440 kumpirmadong kaso sa Antipolo City a 182 rito ay active case. Nakapagtala rin ang lungsod ng 42 death at 216 recovieries.