Ibang-iba raw talaga ngayon…

GELLI, IBINULGAR ANG NANGYARI SA LOCKED-IN TAPING NILA NINA LOISA AT RONNIE

ni Ador V. Saluta - @Adore Me! | February 8, 2021

Ipapalabas na ang digital series na Unloving U na isang pre-Valentine offer ng iWanTFC sa Pebrero 8 na pinagbibidahan ng reel and real couple na sina Loisa Andalio at Ronnie Alonte.

Bukod sa magkalabtim, kasama rin dito ang husband-wife team nina Ariel Rivera at Gelli de Belen.

Sa nakuhang pahayag kay Gelli, frustrating umano sa kanya ang mag-adjust sa mga shooting under the new normal.

“Mahirap, maraming restrictions, mahirap ‘yung social distancing. Kailangan, you’re conscious about cleanliness, about protecting yourself and protecting others. ‘Yung ganu’ng klase. Tapos, pati ‘yung limitations as an actor, you have to be locked in.

“Maraming limitasyon pero ‘pag naiisip ko ang lahat ng ‘yun at gusto kong magreklamo, iniisip ko na lang, ‘O, kesa naman wala tayong ginagawa.’ At least, dito, gumawa tayo ng paraan to work on this situation and if this is what it will take to make it work and para makapagtrabaho muli, para makagawa ng pelikula, makagawa ng TV show, eh, di tiisin na muna natin," paliwanag ng aktres.

Kakaiba ang istorya ng Unloving U na kuwento ng pagmamahalan between two step siblings.

Gelli and Ariel play as single parents who decided to get married again.

Trabaho raw ang inatupag nilang mag-asawa kahit araw-araw silang magkasama sa locked-in taping.

“Magkakasama lang kami. Hindi kami puwedeng umalis. You know when you’re locked in, you stay in a hotel or in a place where everybody is staying as well. Hindi kayo puwedeng lumabas and sa sandaling time na ginawa namin ito, I don’t think we had enough opportunities to explore anything. So, gising sa umaga, makeup, ayos, go to the set, uwi, tulog. Tulog na, wala nang ibang puwedeng gawin kasi hilo ka na, napagod ka na kasi nga we’re always on the move,” masaya niyang kuwento.

Sa kanilang naranasan, masaya naman daw sila sa set at ini-enjoy nila ang trabaho with other casts.

“Ang pinaka-fun dito is like working with our significant others. I think that’s the most fun part of it all. I am working with my husband and sila (Ronnie, Loisa) mag-boyfriend-girlfriend so they’re working together. I think that’s the fun part of it all I must say. It’s different actually,” pagtatapos ng comedienne-actress.