ni Jasmin Joy Evangelista | October 20, 2021
Nakumpiska ng mga awtoridad sa Ninoy Aquino International Airport ang nasa higit P15 milyong halaga ng shabu na nakatago sa mga damit galing Malaysia.
Nakuha ang nasa 2,300 gramo o higit 2 kilo ng shabu sa 2 shipment na idineklarang cloth at clothing na lumabas sa bodega ng forwarding company, ayon sa Bureau of Customs.
Nakita ang droga sa mga plastic bag na may lamang pira-piraso ng tela at nakapagitna sa mga damit.
Hindi pa nahuhuli ang pinagpadalhan nito pero patuloy ang imbestigasyon ng mga awtoridad.