Delivery worker at misis, tiklo sa droga

ni Maeng Santos @News | November 9, 2026

Photo: 2 tulak sa Caloocan nahulihan ng shabu - PNP-NPD

Mahigit P400K halaga ng shabu ang nasamsam sa dalawang tulak kabilang ang 43-anyos na housewife nang maaresto sa buy-bust operation sa Caloocan City.

Ikinasa ng mga tauhan ni Northern Police District Director P/BGen. Benliner Capili ang buy-bust operation laban sa 47-anyos na delivery worker at edad 43 na housewife kasunod ng natanggap na impormasyon hinggil sa umano'y illegal drug activities ng mga ito.

Alas-12:10 ng hatinggabi nang maaresto ang mga suspek ng mga operatiba ng NPD District Drug Enforcement Unit sa Brgy. 188 nang bentahan umano ng droga ang isang pulis na nagpanggap na buyer.

Nakuha sa kanila ang nasa 62.4 grams ng hinihinalang shabu na nagkakahalaga ng P424,320 at buy bust money.

P1.3 bilyong shabu, nasabat sa Manila Port

by Mai Ancheta @News | November 5, 2026

Photo: 1.3 bilyong shabu nasabat sa Manila Port - BOC

Nasamsam ng mga otoridad ang P1.3 bilyong halaga ng hinihinalang shabu na nakalagay sa 200 vacuum-sealed plastic bags sa loob ng 50 kahon sa Manila International Container Port (MICP).

Ayon sa Philippine Drug Enforcement Agency (PDEA), nakatanggap sila ng impormasyon mula sa kanilang counterparts sa ibang bansa kaugnay sa drug shipment patungo sa Pilipinas nitong September.

Dumating ang shipment sa Manila North Harbor noong October 6, 2026 at sumailalim sa x-ray examination, K9 inspection at nagpositibo sa resulta ng shabu.

Wala umanong nag-claim sa shipment at isinailalim sa abandonment proceedings kaya nabuksan ang kargamento at natuklasan ang laman nito.

Ayon kay PDEA  Director General Undersecretary Isagani Nerez, ang ilegal na droga ay nagmula umano sa Laos.

Nagpapatuloy ang backtracking investigation upang matukoy ang consignee ng kontrabando at mga indibidwal sa nasa likod ng shipment.

Pahirapan na raw makakuha... Shabu, taas-presyo kay PBBM

ni Maeng Santos @News | November 5, 2026

Photo: Jonvic Remulla at PNP sa pagsabat ng ilegal na droga - DILG Philippines

“Bago maging pangulo si BBM, ang shabu po ay P3,800 per gram. Ngayon ay P6,800 per gram. Ibig sabihin, ang supply mababa, nahihirapan sila kumuha.”

Ito ang naging pahayag ni DILG Secretary Jonvic Remulla nang tanungin kung epektibo ang kampanya kontra droga sa ilalim ng administrasyon ni Pangulong Ferdinand Marcos Jr.

Ang pahayag ay kasunod ng pagkakasamsam sa 200 kilo ng hinihinalang shabu na nagkakahalaga ng P1.36 bilyon, na sinasabing nagmula sa ibang bansa.