Hatid ng BBM-Sara, dusa sa mamamayan, grasya sa mga trapo

ni Pablo Hernandez III @Prangkahan | June 21, 2023

TAAS NA NGA PRESYO NG MGA BILIHIN AT BAYARIN, SINABAYAN PA NG TAAS-SINGIL SA NLEX AT PASAHE SA LRT 1 AT LRT 2 -- Matapos ipatupad ng North Luzon Expressway (NLEX) ang dagdag-bayad sa toll fee nuong Hulyo 15, 2023, ay magpapatupad na rin ng taas-pasahe ang LRT 1 at LRT 2 simula sa Agosto 2, 2023.

Mantakin n’yo, ang taas na ng presyo ng mga bilihin, LPG (liquefied petroleum gas) at bayarin sa kuryente, tubig, tapos sinabayan pa ito ng taas-bayad sa toll fee ng NLEX at pasahe sa LRT 1 at LRT 2, boom!

◘◘◘

DUSA PALA ANG HATID NG BBM-SARA, HINDI GINHAWA -- Sa taas-singil sa NLEX, kung ang biyahe ay mula sa Balintawak at Mindanao to Marilao, Bulacan ay P7 ang dagdag-bayad sa class 1 light vehicles; P17 sa class 2 buses and light trucks vehicles at P19 sa class 3 heavy trucks vehicles, pero kung lalampas sa Marilao expressway ay ang dagdag-bayad sa class 1 vehicles ay P26, class 2 vehicles ay P65 at class 3 vehicles ay P77, at kapag umabot na sa Mabalacat exit sa Pampanga, ang dagdag-bayad ay P33 sa class 1 vehicles, P81 sa class 2 vehicles at P98 sa class 3 vehicles, at ganyan din ang singil vice versa, at sa dagdag-pasahe naman sa LRT 1 at LRT 2, ang dating P11 na pasahe ay magiging P13.29 na, at ang masaklap, may dagdag-bayad-pasahe pa na P1.21 per kilometer.

Akala ng higit 31-M botanteng bumoto sa BBM-Sara tandem ay ginhawa ang hatid sa kanila ng tambalang ito, ‘yun pala ay dusa, tsk!

◘◘◘

AYAW PATALO SA LRT, KAYA MRT HIHIRIT DIN DAW NG TAAS-SINGIL SA PASAHE -- Ang MRT management ay ayaw naman patalo sa LRT 1 at LRT 2.

Porke inaprub na ng Marcos administration ang dagdag-pasahe sa LRT 1 at LRT 2, eh ang MRT management, ayaw patalo, hihirit din daw sila ng taas-pasahe sa MRT, buset!

◘◘◘

HABANG NAGTATAASAN PRESYO NG MGA BILIHIN, BAYARIN, SINGIL SA NLEX AT PASAHE SA LRT, BUMABAHA NAMAN GRASYA SA MGA TRAPO -- Ang nakalulungkot na nangyayari sa ‘Pinas, habang puro dagok ang inaabot ng mamamayan sa taas presyo ng mga bilihin, bayarin, singil sa NLEX at pasahe sa LRT, ay bumabaha naman ang grasya sa mga trapo (traditional politicians).

Kasi ang mga trapo ay may naglalakihang budget na confidential funds, intelligence funds, pork barrel funds, at sila-sila rin ang mamamahala sa P500 billion Maharlika Investment Fund, tsk!