Hamunan nina Brooks at Pacio, umaanghang na

ni GA - @Sports | April 27, 2022

Malinaw ang ipinadalang mensahe ni ONE Championship strawweight No.1 contender Jarred “The Monkey God” Brooks patungo kay ONE champion Joshua “The Passion” Pacio, at lalo pa nitong pinaanghang ang nalalapit na pagtatapat nang mag-alok ito ng panibagong TV set sa Filipinong kampeon.

Matapos ipagsigawan ang matinding paghahamon at pagbabanta sa kasalukuyang ONE Strawweight champion matapos ang nakuhang panalo kontra kay Bokang “Little Giant” Masunyane noong Biyernes nang gabi, tila sinimulan ng 28-anyos na American fighter na dagdagan ang ngitngit ng Filipino champion.

“Joshua Pacio I’m coming for you man,” wika ni Brooks sa panayam ni Mitch Chilson sa post-fight interview sa ONE: 156 matapos ang first round technical submission (rear-naked choke).

“I swear I’m taking that belt to the United States, I promise you.”

Sa kanyang Instagram post naman ay binati ni Pacio si Brooks, “Congratulations to @the_monkeygod for winning the spot. Awesome performance. I’ll see you soon.”

Bilang tugon naman sa nilabas na mensahe ni Pacio, nagpahayag si Brooks na bibilhan niya ng mas malaking television si Pacio sa makokolektang premyo sa oras na maglaban na sila.

“I just watched his Instagram story congratulating me. He’s a classy guy, but I gotta get that guy some more money [to replace] the TV that he has. I’ll buy him a new TV with the money I’ll get from beating him,” wika ni Brooks.

“I go against classy nice guys all the time; I’m a nice classy guy. But you have to bring stuff out of (your opponents), and I think I’ve already brought stuff out of Josh that he isn’t used to,” dagdag ng Detroit, Michigan-native.

Pinatunayan ng dating UFC fighter na may 19 wins at 2 talo na gagawin niya kay Pacio ang ginawa nito kay Bokang.