Gustong makatrabaho si Vilma… JESSY, BALIK- SHOWBIZ AFTER 5 YEARS

ni Lucille Galon @News | July 2, 2024

Balik-showbiz na ang aktres na si Jessy Mendiola nang pumirma siya ng kontrata ngayong araw July 2, Martes, sa ABS-CBN's Star Magic.

Matagal nawala si Jessy sa showbiz dahil nag-focus siya bilang first time mom sa anak na si Isabella Rose Tawile Manzano o mas kilalang “Peanut” sa social media. Aminadong kinakabahan daw si Jessy kaya’t sinamahan ng asawa niyang si Luis Manzano. Sey ni Jessy, "Grabe, kinakabahan ako, ‘di ko alam kung bakit.

Five years akong nawala.” Pahayag ni Jessy bago pumirma ng kontrata, "Parang tinanggap ko na hindi na ako babalik and that's okay with me kasi I am really happy with, of course, my family.

Sabi nga n’ya (Luis), wind beneath his wings, 'di ba? Pero talagang hindi ko ine-expect and I am really, really grateful. Kasi of course si Itay (Lauren Dyogi), si Kuya A (Alan Real), si Tita Cory (Vidanes), sina Sir Carlo (Katigbak), parang tinanggap nila ako after a very long time. I think dito naman talaga, this is my home and it feels good to be back. I am very grateful."

Super thankful naman si Jessy sa mga sumuporta sa kanyang pagbabalik. Aniya, “Grabe, I feel very special. Hindi ko ine-expect na ganu’n kadami ang nagmamahal sa ‘kin. Grabe, nagiging emotional ako, I am very grateful talaga.

Tulad ng sinabi ko kanina, I wasn't expecting na babalik ako. Grabe 'yung support system ko, grabe s’ya. Kagabi pa lang, sinasabi ko na I am super anxious and nervous kasi it’s been five years since my last big event and seeing you guys here, I am just really happy and grateful to be back home.

“ABS-CBN has always, you know, has my back at palagi n’yo akong inalagaan. And Star Magic hindi pa rin talaga nagbabago ang alagaan. To everyone, it's never too late to chase your dreams. Finally, natupad 'yung dream ko na magkaroon ng family. Ngayon, 'yung dream naman ni Jessy ang itutuloy ko," aniya pa.

Well, dream daw ni Jessy na makatrabaho ang kanyang mother-in-law na si Star for All Seasons Vilma Santos-Recto. Welcome back, Jessy Mendiola. More projects to come!