Search
  • BULGAR

Good news na hatid ng MERALCO, mas pinababang singil sa kuryente ngayong Holiday Season!

by Meralco - @Brand Zone | December 30, 2020




Mas pinababa pa ang power rates ngayong Disyembre 2020, ang second lowest overall power rate simula 2017!


Inanunsiyo ng Manila Electric Company (MERALCO) na magkakaroon muli ng adjustment sa power rate at bababa sa P0.0352 kada kilowatt hour (kWh) sa typical household.


Kaya naman mula sa P8.5105 per kWh, ito ay magiging P8.4753 per kWh na lamang.


Kung susumahin, bababa ang total bill ng isang residential customer na gumagamit ng 200 kWh sa P7.


Sa overall rate ngayong buwan, bababa rin ang net rate sa P1.3870 per kWh na katumbas sa P277 para sa 200 kWh household noong magsimula ang taon.


Ito na ang ikalawa sa pinakamababang power rate sa loob ng tatlong taon simula September 2017.



Mas pinababang Generation Charge, hatid ng lower Luzon grid demand


Mula sa P4.2018 per kWh noong November, bumaba pa ng P0.0502 per kWh ang generation charge at may kabuuang P4.1516 per kWh ngayong December.

Ayon sa Meralco, babawasan din ng P0.1881 per kWh sa singil sa ilalim ng Wholesale Electricity Spot Market (WESM).


Naging maayos ang power supply ng grid ng Luzon noong Nobyembre kasunod ng pagbaba ng demand dahil sa sunud-sunod na pagtama ng bagyo sa bansa. Sinuspinde rin ang WESM ng ERC mula November 12-13, 2020 dahil sa bagyong Ulysses.


Sa katunayan, noong October 2020, nasa 10,344 ang demand ng MW habang noong November 2020, bumaba ito sa 9,886 MW.


Bukod pa rito, bumaba na rin ang Independent Power Producers (IPPs) sa P0.2577 per kWh dahil sa improved average plant dispatch at Peso appreciation. Bumaba rin ang singil sa Power Supply Agreements (PSAs) sa P0.0214 per kWh dahil sa pagtaas ng Peso kontra dolyar.


WESM, IPPs at PSAs ay nakapagtala ng 9%, 39% at 52% ng energy requirements ng Meralco.



Iba pang pagbabago sa singil


Bumaba ng halos P0.0044 per kWh ang transmission charge para sa residential customers dahil sa mas pinababang Power Delivery and Ancillary Service Charges.


Tumaas naman sa P0.0194 ang taxes at iba pang singil.


Samantala, mananatiling suspendido ang pangongolekta ng Universal Charge-Environmental Charge na P0.0025 per kWh, ayon sa ERC.


Hindi naman gumalaw ang singil ng Meralco sa distribution, supply at metering charges sa loob ng 65 buwan matapos marehistro ang bawas noong July 2015. Nilinaw din ng Meralco na ang singil sa generation charge ay napupunta sa power suppliers habang ang singil naman sa transmission charge ay napupunta sa NGCP. Ang tax at iba pang public policy charge tulad ng Universal Charges at FIT-All ay ibinibigay sa pamahalaan.



Meralco, tuloy sa pagbibigay-serbisyo sa ilalim ng General Community Quarantine (GCQ)


Maaari ng pumunta sa pinakamalapit na Meralco Business Center ang publiko, kahit nakapailalim ang lugar sa GCQ, at patuloy na tatanggap ng application, payment at iba pang transaction.


Mahigpit na ipinatutupad ang ilang safety measures tulad ng “No Mask, No Entry” rule, social distancing at temperature check upang maiwasan ang pagkalat ng COVID-19.


Masisiguro ng mga customer na ligtas ang pagpasok nila rito dahil sumailalim din ang mga staff sa rapid COVID-19 testing na awtorisado ng Pasig City Health Office bago pumasok.


Bukod pa rito, mayroon ding mga acrylic barriers sa bawat branch upang masiguro ang proteksiyon ng customer at frontliner.


Ngunit inaanyayahan pa rin ng Meralco ang publiko na mas ligtas at mabilis ang transaksiyon sa kanilang Meralco Online at Meralco App na https://onelink.to/meralcomobile, Meralco Online via www.Meralco.com.ph, at Meralco authorized payment channels sa bit.ly/MeralcoPaymentPartners.


Para sa iba pang impormasyon, maaaring bisitahin ang official website ng Meralco sa www.MERALCO.com.ph at sa kanilang social media accounts Facebook www.facebook.com/MERALCO; Twitter @MERALCO o tumawag sa Meralco Hotline 16211.


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.