Bawas-singil sa kuryente ngayong Setyembre

ni BRT @News | September 12, 2026

Photo: File

Muling magpapatupad ng bawas-singil sa kuryente ang Manila Electric Company (Meralco) para sa buwan ng Setyembre.

Ayon kay Meralco Vice President at Corporate Communications Head, Joe Zaldarriaga nasa P0.0409 ang magiging pagbaba sa singil o katumbas ng P14.7434 kada KWh ang magiging bawas-singil ngayong buwan

Ilan sa mga itinuturong dahilan ng rollback ang pagbaba ng singil ng Ancillary Services na kinokolekta ng National Grid Corporation of the Philippines (NGCP).

Gayundin ang tapyas na P0.1657 kada kWh sa mga buwis at iba pang singilin bunsod naman ng pagtatapos ng maintenance shutdown ng Malampaya gas facility

Patuloy ding mapakikinabangan ng mga konsyumer ang dalawang refund ng Meralco na katumbas ng P1.0139 kada kWh para sa mga residential customer.

Meralco: Adhikain para sa animal welfare

by Info @Brand Zone | Dec. 13, 2024

Dumalo sa Flash TV si Meralco Spokesman Joe Zaldarriaga at ang Head ng Advocacy Communications Management na si Michelle Caguiao upang ipaliwanag ang kampanya ng Meralco sa pangangalaga ng community cats sa ilalim ng programang Catropa.

Makikita sa larawan si Zaldarriaga at Caguiao na ipinapaliwanag kay Joy Rosaroso, host ng programang Tara Usap Tayo ang kahalagahaan ng pagpapalaganap ng animal welfare initiatives bilang sandata laban sa animal cruelty at incidents ng rabies sa bansa. Isa ang Meralco sa mga kumpanyang kinikilala bilang isang animal friendly company.

Meralco tuluy-tuloy ang pagpapabuti ng serbisyo ng kuryente sa Marikina

by Info @Bulgarific | May 29, 2024

Mas  pinaigting pa ng Manila Electric Company (Meralco) ang maintenance at upgrading ng mga pasilidad nito sa  lungsod ng Marikina para lalo pang mapabuti ang serbisyo ng kuryente sa lugar. 

Kamakailan lamang ay pinalitan ng Meralco ang dalawang 10 kilovolt-amperes (kVA) transformer ng 50 kVA  sa kahabaan ng Tangerine Street sa SSS Village, Concepcion II sa Marikina para lalo pang matiyak ang  paghahatid ng ligtas, maaasahan, at tuluy-tuloy na serbisyo ng kuryente sa mga customer.  

“Tuluy-tuloy lamang ang aming mga crew sa Meralco sa pagkukumpuni ng aming mga pasilidad para lalo pang  mapabuti ang kalidad ng aming serbisyo ng kuryente,” ani Meralco First Vice President at Head ng Networks  na si Froilan J. Savet. 

Aktibong namumuhunan ang Meralco para sa pagpapalakas ng distribution system nito para matiyak maayos  na serbisyo ng kuryente sa mga lugar na pinagsisilbihan nito.