GLORIA: MAS MAGAGANDA NA ANG MGA TRANS KESA SA MGA TUNAY NA BABAE

ni Ma. Consuelo Nolasco @Special Article | May 22, 2023

Masaya raw si Miss Universe 1969 Gloria Diaz sa pagkapanalo ni Michelle Dee bilang ating susunod na pambato sa Miss Universe 2023.

At hindi lang 'yun, may payo pa siya sa newly-crowned beauty queen tungkol sa mga bashers nito.

Sa isang panayam, ibinahagi ng first Filipina Miss Universe 1969 na si Gloria Diaz na happy siya sa bagong kinoronahan na Miss Universe-Phils. na si Michelle at para sa ina nitong si Miss International 1979 Melanie Marquez.

Sey ni Gloria, "Nakita ko lang that she was crowned and uh... very nice, and we were so proud."

From one queen to another nga raw, payo niya kay Miss U-Phils. 2023 Michelle Dee na dedmahin na lang ang mga bashers na hindi pa rin matanggap ang naging resulta ng nasabing beauty pageant na ginanap noong May 13.

In fact, maging si Gloria ay hindi rin nakaligtas sa mga batikos noong panahon niya.

Paglalahad nito, "When I won Miss Philippines, they said it was 'lutong Macao,' and there were someone or two people, etcetera. Pero, I didn't even know what 'lutong Macao' means.

And then, afterwards when I won Miss Universe, nag-fail nga sila, eh."

Dagdag pa ni Gloria, "Siyempre, ang punong nagbubunga ay babatuhin nila 'yan. But just do your best (Michelle), enjoy and uhm... pretend they don't exist."

Isa si Miss Universe 1969 Gloria sa mga special guests para sa press presentation at preliminaries ng Binibining Pilipinas.

Ibinahagi rin ni Gloria ang kanyang opinyon tungkol sa patakaran ng organization na payagan ang pagsali ng mga transwomen sa nasabing beauty pageant.

Aniya, "I'm not really for it. I always feel they have to join their own competition, kasi baka matalo kaming mga babae kasi maraming mga male turned female na super-ganda. In fact, even in sports, 'di ba? That's a big confusion and a little bit very controversial."

Kung gusto rin daw sumali ng mga babaeng may asawa't anak na, mas maganda sana kung magkaroon ang mga ito ng kanilang sariling pageant.

Sambit ni Gloria, "I'm not saying stick to the old, you can expand a little, pero hindi masyadong controversial. People don't realize how close I am to LGBT, they don't realize that I love them."

So, narinig na nga natin ang opinyon ni Miss Universe 1969 Gloria Diaz hinggil sa "controversial" na usapin na pagsali ng mga transgender women sa Miss Universe pageant.

Kung kayo naman ang tatanungin, mga Ka-BULGAR, agree or not ba kayo rito?!