Gamit ang screwdriver... Taxi driver, pinagsasaksak ng nasaging lalaki

ni Mervin Reyes @News | August 7, 2026

Photo: File

Sugatan ang isang 27-anyos na taxi driver matapos siyang saksakin ng lalaking nasagi ng kanyang sasakyan sa Brgy. Nagkaisang Nayon, Novaliches, Quezon City.

Agad namang naaresto ng pulisya ang suspek.

Ayon kay Police Capt. Eugene Cauyan, hepe ng Novaliches Police SIDMU, naglalakad ang suspek habang inaalalayan ang isang bisikleta nang masagi ng taxi. Huminto ang driver upang tingnan ang kalagayan ng lalaki, ngunit bigla umano siyang inundayan ng dalawang saksak.

Narekober sa suspek ang ginamit na screwdriver. Nagawa umano niya ito matapos niyang isiping tatakasan siya ng taxi driver. Nahaharap ang suspek sa kasong frustrated homicide.