FDA chief Domingo, nag-resign na

ni Lolet Abania | January 3, 2022

Ipinahayag ni Director General Dr. Eric Domingo na nagbitiw na siya bilang chief ng Food and Drug Administration (FDA) ngayong Lunes.

Ito ang kinumpirma ni Domingo, kung saan ang kanyang resignation ay epektibo ngayong araw, Enero 3.

Gayunman, nang tanungin ang opisyal hinggil sa kanyang rason sa pagbibitiw sa tungkulin, sinabi ni Domingo na wala siyang espisipikong dahilan tungkol dito.

“Wala naman dahilan,” ani Domingo.

“I think I did my part to help during the pandemic. I’m happy with that but now it is time to move on to other things,” dagdag ni Domingo.