Fan nagmakaawa, tablado… BAMBOO, AYAW NG REUNION CONCERT NG RIVERMAYA

ni Jenny Rose Albason -OJT @Sheet Matters | March 27, 2023

Nagbigay ng pahayag ang singer-songwriter at former vocalist ng bandang Rivermaya na si Bamboo tungkol sa posibilidad na magkaroon sila ng reunion concert ng kanyang mga dating bandmates.

Isang mensahe kasi ang natanggap ni Bamboo mula sa diehard fan nila na ang sabi, "Parang awa na, Rivermaya, bago man lang ako mamatay, isang concert lang sana, please?! Hinahanap-hanap kita, Rivermaya."

Ang sagot ni Bamboo tungkol dito, "I will never say never, but then the kind of artist that I’m trying to be right now is someone who tries to move forward. I cannot imagine doing that again, like going back again. We can hang out at a house or have dinner or something, but then, to play again? You have to imagine how long we’ve been away from each other and what kind of family group of sort I have built na, with the guys I play with."

Sa sagot ni Bamboo, tila hindi matutuloy ang pangarap na reunion concert.

Katwiran pa niya, maaari niyang i-consider na tumugtog kasama ang mga dating kagrupo, pero hindi pa sa ngayon.

Kung sakaling matuloy ang reunion, tiyak na malaki ang talent fee ng mga dating miyembro ng banda na sina Bamboo, Rico Blanco, Nathan Azarcon, Mark Escueta at Perfecto de Castro.

Twenty-five years na rin kasi ang nakalipas mula nang umalis sa Rivermaya si Bamboo, at aminado siya na hindi siya mahilig sa mga reunion.

Inamin din niya na naging mahalaga ang Rivermaya sa kanyang buhay.

Samantala, may series of shows si Bamboo abroad at special guest niya rin ang The Voice Kids coach na si KZ Tandingan.

Sabi pa ni Bamboo, wala siyang masyadong tulog dahil pinaghahandaan niya nang husto ang nalalapit na show abroad.