Ex-DILG chief Año, bagong National Security Adviser – PCO
- BULGAR
- Jan 14, 2023
- 1 min read
ni Lolet Abania | January 14, 2023
Itinalaga at nanumpa na si dating Department of the Interior and Local Government (DILG) Secretary Eduardo Año bilang bagong National Security Adviser, ayon sa Presidential Communications Office (PCO) ngayong Sabado.
Sa anunsiyo ng PCO, si Pangulo Ferdinand “Bongbong” Marcos Jr. ang nag-administer ng oath of office ni Año.
Para naman kay dating NSA Professor Clarita Carlos, paliwanag ng PCO, nagdesisyon itong ipagpatuloy ang kanyang hangarin kaugnay sa mga gawaing pang-iskolastika, kung saan nakiisa siya sa Congressional Policy and Budget Research Department (CPBRD) ng House of Representatives.
Ang CPBRD ay nagbibigay sa House of Representatives ng mga serbisyong teknikal patungkol sa pagbabalangkas ng national economic, fiscal, at social policies.
“I have realized that it is no longer politic to continue as NSA to the President,” ani Carlos sa isang statement.
“And so, I have decided to migrate to another agency where my expertise on foreign, defense, and security policy will be of use and I shall continue to help build a better Philippines,” dagdag ni Carlos.
Comments