Estudyante nagdala ng granada sa iskul, huli

ni BRT | April 5, 2023

Hinuli ng Talisay City police ang isang 20-anyos na Grade 10 student matapos magdala ng granada sa paaralan sa Talisay City, Negros Occidental.

Batay sa ulat, isang pedicab driver ang nagsumbong sa Barangay dahil tinangka umano ng estudyante na ihagis sa kanya ang granada dahil hindi niya ito pinasakay.

Nagsumbong naman ang barangay sa mga pulis na agad nagtungo sa paaralan.

Sa pahayag ni Police Lieutenant Abegael Donasco, inipit pa umano ng estudyante ang granada sa kanyang hita pero nakuha ito ng mga pulis.

May hinihinalang marijuana at pipa ring nakuha mula sa kanyang bulsa.