‘Di raw siya tanga, Enrique… ANDREA BROWN, WALANG BALAK MAGPAKASAL AT MAGKAANAK

ni Lucille Galon @Special Article | July 18, 2026

Photo: IG __andreabrownnn

Nagsalita na ang rumored GF ni Enrique Gil na si Andrea Brown matapos ang sunud-sunod na pambabatikos na natatanggap kaugnay ng napapabalitang relasyon sa aktor.

Sa kanyang group channel sa Instagram (IG) na “my thought process but on IG,” nilinaw ni Andrea na wala umanong pumipilit sa kanya at sariling desisyon niyang manatili sa sitwasyong kinasasangkutan niya sa kabila ng kaliwa’t kanang negatibong komento.

Sey ni Andrea, “All of us are aware that I’m very young, but I'm not stupid, and I know exactly what I’m doing.

“None of you understand that I’m actively choosing to be in the situation that I'm in because despite all the hate I’m getting from the country, I feel really seen and taken care of and understood by whoever I’m with.”

At eto pa, mula sa isang voice message na mula rin sa group channel ay sinabi niyang wala siyang balak magpakasal soon o magkaroon ng anak. 

Nitong nakaraan kasi ay may tsismis na nabuntis umano siya ng aktor.

Diin niya, “I’ve learned many, many things.”

Paliwanag pa niya, “It’s honestly a choice I’m actively making and a path I'm willingly taking because I’ve never felt more stable ever in my personal life.”

Matatandaang naging sentro ng usapan sa social media sina Andrea at Enrique matapos kumalat ang mga larawan at video nila na magkasama. 

Well, hanggang ngayon, nananatiling tikom ang bibig ni Enrique Gil tungkol sa totoong relasyon nila. 

---

SIMPLE pero elegante, ito ang piniling wedding nina Bea Alonzo at Vincent Co, na umani ng papuri mula sa publiko at sa mga fans ng aktres.

Kamakailan ay ibinahagi ni Bea sa kanyang Instagram (IG) account ang ilang larawan mula sa kanilang intimate civil wedding na ginanap sa Makati. Bagama’t pribado ang naging selebrasyon, unti-unti ring lumabas ang ilang detalye tungkol sa kanilang espesyal na araw.

Ayon sa isang cake studio, P3,000 lang ang halaga ng wedding cake nina Bea at Vincent. Ito ay minimalist wedding cake na may buttercream icing at binubuo ng red velvet, vanilla at chocolate cake na may tablea ganache filling. 

Isang simpleng order lang daw ang dumating at wala silang kaalam-alam na para iyon sa kasal ng aktres.

Samantala, matapos ang civil wedding ay nagkaroon ng simpleng reception ang bagong kasal kasama ang 12 bisita lang.

Ayon sa event stylist na humawak sa okasyon, hindi kailangang maging engrande ang isang kasal para maging maganda at memorable.

Nag-viral tuloy ngayon ang mga simpleng wedding at maraming netizens ang nagsabing mas okay ito kesa gumastos nang malaki, tapos ang mga bisita ay marami namang sinasabi. Hahaha!