'Di natuloy dahil sa pandemic…ANGEL, UMAMING NOV. 8 SANA ANG KASAL NILA NI NEIL

ni Vinia Vivar - @Frankly Speaking | November 10, 2020

Dapat pala ay noong Nov. 8 ang kasal nina Angel Locsin at Neil Arce. Ibinahagi ito ng aktres sa kanyang Instagram post that day.

“So, we were supposed to get married today, Nov. 8, 2020. How about you, guys? Did you have plans this year that got moved? Can’t wait a few more months,” ang caption ni Angel sa larawan nila ni Neil.

Sumagot naman si Neil ng “A few more months... Can’t wait to be your husband.”

Sagot naman ni Angel, “Charot.”

Muli ay sumagot si Neil at aniya, naka-downpayment na nga sila. Kung para saan ay hindi niya sinabi, pero sure kaming may kinalaman sa upcoming wedding.

“Wow, ngayon pa ba kita bolahin, naka-down payment na tayo,” eksaktong sagot ni Neil.

Sagot ulit ni Angel, “Oo nga naman... sayang naman 'yun,” na sinagot naman ni Neil ng laughing and kissing emojis.

Matatandaang nagbigay na ng pahayag ang engaged couple kamakailan na because of the pandemic nga, they moved the November wedding to early next year.

Sinabi rin ni Angel na si Neil daw ang mas hands-on sa pagpe-prepare ng kanilang wedding.

Dahil nga raw sa pandemic ay inulit-ulit nila ang preparasyon since they will be tying the knot under the “new normal” at may mga safety measures na kailangang sundin.