‘Di magsosori sa mga minura.. Pasalamat kayo 'di ko kayo pinapatay — Gadon

ni BRT | June 28, 2023

Hindi umano hihingi ng tawad si Atty. Larry Gadon, bagongPresidential Adviser on Poverty Alleviation Secretary, sa mga namura nito noong panahon ng kampanya, partikular ang mga kritikong naninira at nagkakalat umano ng kasinungalingan.

Ito ang pahayag ni Gadon nang matanong kung hihingi ba ito ng tawad sa mga namurang kritiko.

“Hindi ako hihingi ng tawad. Unang-una, sila ang may kasalanan kasi nagkakalat sila ng kasinungalingan, pasalamat nga sila hindi ko sila pinapatay eh. Ang ibig ko lang sabihin eh kasalanan nila kung bakit ko sila namura. Magkalat ba naman sila ng kasinungalingan at paninira eh di talagang ganun ang magiging reaksyon ko,” ani Gadon.