ni Thea Janica Teh | July 10, 2020
Naglabas ng bagong scientific report ang World Health Organization (WHO) sa detalye kung paano napapasa ang COVID-19 sa isang tao kasama ang hangin mula sa medical procedure at hangin mula sa crowded indoor space.
Sa kanilang report, ang best understanding umano sa pagkalat ng virus ay mula sa contact at respiratory droplets. Ngunit, may mga tanong pa na hindi nasasagot tungkol sa airborne transmission at kailangan itong pag-aralan agad.
Ang pag-aaral na ito ay sinimulan matapos magbigay ng sulat ang 239 scientist na nagsasabing maaaring makuha ng tao ang virus sa droplets na nasa hangin.
Ayon sa report ng WHO, maaaring matukoy ang airborne transmission sa aerosol generating procedure. Nakikita rito ang maliliit na droplets na kung tawagin ay aerosol. Ang ilang outbreak report ay related sa indoor crowded spaces na may posibilidad na pinagsamang aerosol transmission at droplet transmission.
Ngunit, ang kasalukuyang ebidensiya sa pagkalat ng virus ay mula sa direct, indirect, close contact sa infected secretion tulad ng saliva at respiratory secretion o sa respiratory droplets na lumalabas kapag ang tao ay bumahing o umubo.
"So these are really tiny particles that can stay in the air for a long time and can go further and so there is some evidence I believe that Covid can be transmitted in this method with these kind of small aerosolized particles that can stay in the air for a longer period of time. We still have to keep doing the masking and the distancing and staying home whenever possible," sabi ni Brittany Kmush, assistant professor sa Syracuse University sa New York.