Cupid Bell at Vandex, magpapabilisan sa Turf

ni Green Lantern - @Renda at Latigo | July 16, 2022

Magtatagisan ng bilis ang dalawa sa matitikas na batang kabayo na sina Cupid Bell at Vandex sa magaganap na 3-Year-Old Maiden Race na ilalarga sa Metro Turf, Malvar-Tanauan City sa Batangas ngayong araw.

Rerendahan ni dating Philippine Sportswriters Association, (PSA) Jockey-of-the-Year awardee Jonathan Hernandez si Cupid Bell habang si RO Tenorio ang sasakay kay Vandex sa karerang may distansyang 1,400 meter race.

Nakalaan ang P10,000 premyo para sa unang kabayong tatawid sa meta, ang ibang kalahok ay sina Charming Moon, Princess Belle, Pakikisama, Montage, My Sharona, Clearmark at Shining Bullet.

Ayon sa mga karerista na nagkokomento sa social media, paniguradong maganda ang masisilayan nilang laban kaya dapat mapag-aralan ang tatayaang kabayo. "Sina Pakikisama at Charming Moon magagaling din silang kabayo kaya pahirapan din sa pagpili ng tatayaan para sa winner take all, (WTA)," saad ni Ronaldo Sanchez, veteran karerista.

Tiyak na aabangan din ng mga karerista ang bakbakan ng limang kabayo sa PHILRACOM Rating Based Handicapping System na pakakawalan sa unang karera.

Markado sa liyamadista ang kalahok na si Wish Afan A Star na gagabayan ni jockey RF Torres.

May habang 1,200 meter race, ang makakatagisan ng bilis ni Wish Afan A Star ay sina Silab, Namayan, Stravinsky at Tool Of Choice.

Samantala, may walong karera ang inihain ng Metro Manila Turf Club Inc. (MMTCI) ngayong araw kaya paniguradong masisiyahan ang mga karerista sa kanilang paglilibang.

Suportado ng Philippine Racing Commission, (PHILRACOM) sa pamumuno ni chairman Reli De Leon ang lahat ng races.

Mga Pili ni Green Lantern:

Race 1 - Wish Afan A Star (2), Namayan (1)

Race 2 - Cupid Bell (5), Vandex (9), Pakikisama (4)

Race 3 - Luke Skywalker (3), Union Run (7), Cinderella King (6)

Race 4 - Arubaitosan (8), Caraga Wonder (1), Katuparan (5)

Race 5 - Lockdown (2), Takdang Panahon (7), Professor Jones (1)

Race 6 - Lucky Noh Noh (7), Bullet (6), Tenteng Enteng (1)

Race 7 - Wild Act (6), Mabalor (1) Kid Kenshin (5)

Race 8 - Piece Of Cake (8), Speak Easy (7), This Time (13)