Miss U-Phils. 2017 Rachel Peters, buntis na

ni Ronalyn Seminiano Reonico | May 18, 2021

Buntis na si Miss Universe-Philippines 2017 Rachel Peters, base sa kanyang inianunsiyo sa Instagram.

Nag-post si Rachel sa kanyang IG account ng picture na kuha sa beach kung saan kita ang kanyang baby bump at aniya, “18 weeks of growing and loving you. You’re a dream come true, our little chickpea.”

Bumuhos ang congratulatory messages para kay Rachel sa comments section kabilang na ang komento nina Pia Wurtzbach, Megan Young, Sarah Lahbati, Coleen Garcia, Chie Filomeno, Andi Eigenmann, atbp..

Nag-post din ang partner ni Rachel na si Camarines Sur Governor Migz Villafuerte sa kanyang IG account ng picture ng beauty queen na kita ang baby bump nito.

Caption ni Migz, “Who’s your daddy? #beyondblessed.”

Noong Nobyembre, 2019 na-engaged sina Rachel at Migz at last year dapat magpapakasal ang dalawa ngunit na-postpone dahil sa COVID-19 pandemic.