Coach Nash, nasa Adamson na; Abangan ang PBA 3X3 players

ni Gerard Arce / VA - @Sports | November 17, 2021

Gaya ng inaasahan, kinuha ng Adamson University si Raoul Cesar Racela na mas kilala bilang si coach Nash para maging bago nilang men’s basketball head coach sa University Athletic Association of the Philippines (UAAP).

Base sa naunang napag-usapan, si Racela ang hahawak at mamamahala ng basketball operations at programs ng Adamson sa loob ng limang taon.

Si Racela ang papalit sa puwestong naiwan ni dating Falcons coach Franz Pumaren.

Mananatili si long-time Adamson Baby Falcons Coach Mike Fermin bilang isa sa mga assistant ni Racela.

Unang pinagkampeon ni Racela ang Batangas Blades sa dating Metropolitan Basketball Association. Kasunod ay napagkampeon niya ang FEU (2015) at napunta sa PBA at naging coach ng TNT noong 2016-2018 at ng Blackwater (2019).

Samantala, ilang datihang manlalaro ang muling makaka-apak sa court ng Philippine Basketball Association (PBA) – masasaksihan ang mga ito sa Pinoy-style na laro na tatluhan – ang 3X3 tournament na bubuksan simula Nobyembre 20 sa Ynares Sports Arena sa Pasig.

Bukod kay Mac Cardona, balik PBA rin ang beteranong si Larry Fonacier na muling magbabalik sa team ng Cavitex Road Warriors kasama sina David Murrell, AC Soberano at Kyles Lao. Ang iba pang mga lalaro sa koponan ng Meralco Bolts (Joseph Sedurifa, Dexter Maiquez, Alfred Batino at Luis Gonzaga III; sa Northport Batang Pier (Jeepy Faundo, LA Revilla, Mark Anthony Olayon at Michael Calisaan; Platinum Videoke (Karl Dehesa, Chris De Chavez, Yutien Andrada at John Ray Alabanza; Pioneer Pro-Tibay (Robin Dino, Carlo Escalambre, Carlo De Chavez at Dan Reducto); Purefoods TJ Titans (Paolo Javelona, Jed Mendoza, Val Acuna, at Joseph Eriobu);

Beermen (Bacon Austria, Louie Vigil, James Mangahas at Jeff Manday); Limitless AppMasters (Brandon Ganuela-Rosser, Jorey Napoles, Reymar Caduyac at Mike Gamboa); Sista Super Sealers (Kenneth Mocon, RJ Argamino, Leo De Vera at Paolo Rivero); Terrafirma 3X3 (Terrence Tumalip, Dhon Reverente, Roider Cabrera at Matt Salem); TNT (Almond Vosotros, Lervin Flores, Samboy de Leon at Jeremiah Gray); at Barangay Ginebra 3X3 (Hubert Cani, Jollo Go, Mikey Cabahug at Ken Holmqvist).