Charm Campaign, palaban sa Hopeful Stakes Race

ni Green Lantern - @Renda at Latigo | June 19, 2022

Mapapalaban nang todo si Charm Campaign sa magaganap na 2022 PHILRACOM Hopeful Stakes Race na ilalarga sa Metro Turf, Malvar-Tanauan City, Batangas.

Patok sa karera tipsters ng programa si Charm Campaign na rerendahan ni dating Philippine Sportswriters Association, (PSA) Jockey-of-the-Year awardee Jessie B. Guce.

Subalit komento ng mga karerista na lahat ng kalahok ay naghanda dahil sa premyong nakalaan kaya tiyak na ibubuhos din lahat upang masungkit ang korona sa karerang may distansiyang 1,800 meter race.

Pili ng mga dehadista sina Lauriatisimo at Main Event at ayon sa mgaa karerista na may mga husay din ito na posibleng sumilat kay Charm Campaign.

Ang ibang kalahok sa event na suportado ng Philippine Racing Commission, (PHILRACOM) sa pamumuno ni chairman Reli De Leon ay sina Pharaoh Bell, Eutychus at Portsalt.

May guaranteed prize na P1.5M na ikakalat sa unang apat na kabayong tatawid sa meta, hahamigin ng mananalo ang P900,000 habang masisilo ng second placer ang P337,500.

Kukubrahin ng third at fourth placers ang tig- P187,500 at P75,000 ayon sa pagkakasunod habang may matatanggap din ang breeder ng winning horse. "Magandang laban 'yan kasi malaki ang premyo kaya bakbakan sigurado ang mapapanood natin," saad ni Jericho Lompot, veteran karerista.

Samantala, pakakawalan din ngayong araw ang 2nd Leg Triple Crown Stakes race kung saan naka-abang ang mga karerista kay Basheirrou.

Tumataginting na P2.1M ang naghihintay sa mananalong kabayo, mga karibal ni Basheirrou ay sina Kaboom, Gomezian, Radio Bell, Enigma Uno, Brother Son at Jungkook.

Inaasahang masaya ang mga karerista sa kanilang paglilibang dahil bukod sa stakes races ay may 12 karera ang inihanda ng Metro Manila Turf Club Inc. (MMTCI).

Mga Pili ni Green Lantern:

Race 1 - Hold On/Lakan Takhan (1/1A), Galing S Mabait (6)

Race 2 - Lady Khaleesi (1), Charm N Luck (5), Winning Move (6)

Race 3 - Colony Bell (2), Eazacky (8), Big Battle (4)

Race 4 - Piece Of Cake (7), Jean Genie (3), Rise And Shine (5)

Race 5 - Basheirrou (2), Radio Bell (3), Gomezian (7)

Race 6 - Ka Emon/Rafa (5/5A), Polloc Island/Apo Ni Maria (10/10A), Bakya Mo Neneng (4)

Race 7 - Charm Campaign (3), Portsalt (4)

Race 8 - Battle Scar/Huckleberry (4/4A), Bullet (1), Stand By Me (2)

Race 9 - Easy Landing (7), Fortune Island (5), Manila Boy (4)

Race 10 - Quincy (4), This Time (6)

Race 11 - Cinderella King (2), Smart Bell (5), Tontoneeto (7)

Race 12 - Yoshiko (4), Ring A Bell (9), Wishfull Thinking (5)