Carry over Pick 6 at Super Six sa SLLP

ni Ding Taboy - @Renda at Latigo | December 5, 2020

Nakataya ngayon ang carry over sa Pick 6 na P148,923.64 at Super Six na P50,992.86 sa San Lazaro Leisure Park sa Carmona, Cavite.

Magaganap ang walong karera na kapapalooban ng dalawang Winner Take All na magsisimula sa Race 1 hanggang Race 7 at Race 3 hanggang Race 9.

May dalawang Pick 6 na magsisimula sa Race 2 hanggang Race 7 at Race 4 hanggang Race 9. Idaraos din ang Pick 5 sa Race 5 hanggang Race 9 at Pick 4 sa Race 6 hanggang Race 9.

Sa race 1 pinapaboran ang Marino ng Tanglaw at Toscana at race 2 simula ng Pick 6 at pinapaboran ang Noh Sen Young Yana, mahigpit na makakalaban ang Rockaway at Professor Jones.

Sa Race 3 kung saan magsisimula ang 2nd WTA at ipinapatok ang Magnifico at sa Race 4 kung saan mag-uumpisa ang 2nd Pick 6 at nakalalamang ang Karizma. Ang Pick 5 ay magsisimula sa Race 5 pinapaboran ang couple No.4 (Chance the race at Jayz) at mahigpit na makakalaban ang entry No.6 (Shoo-In at Certain to Win).

Sa Race 6,kung saan magsisimula ang Pick 4 higit na pinapaboran ang Our Secret at Blue Mystic ang tatalo. Huwag mawawalan sa mga paratingan sa Race 7 ang Doktora, Ambet Ko To at Doctor Amorette. Sa Race 8 nakalalamang ang Significant Pay,Kingwash Dirtbgone at entry no.1 at ipinapatok ang Sky Candy sa Race 9.