Camarines Norte Rep. Marisol Panotes, pumanaw na

ni Zel Fernandez | April 29, 2022

Pumanaw na si second district Camarines Norte, Rep. Marisol Conejos Panotes, ayon sa social media post ng anak nitong si Rosemarie kaninang umaga.

Pahayag ni Rosemarie sa kanyang Facebook post bandang alas-11 ngayong umaga, “it is with deep sorrow to announce the passing of my mother Congw.Marisol "Toots" Panotes- a loving mother, a living wife,1a loving grandma and a good public servant. Your prayers will be much appreciated in this most difficult time. wake and internment schedule will follow...thank you.”

Kasunod nito, naglabas na rin ng pahayag ng pakikiramay si House Majority Leader Martin Romualdez sa pagpanaw ni Rep. Panotes. Aniya, “We condole with her family, relatives and friends at this difficult time.”

Paglalarawan ng House Majority Leader, si Rep. Panotes ay aktibong miyembro ng mayorya bilang vice chairperson ng House Committees in Disaster Resilience, maging sa Population and Family Relations.

Gayundin, kasapi rin umano ng 14 pang malalaking komite ang namayapang kongresista kabilang ang Foreign Relations, Basic Education and Culture, Higher and Technical Education, Banks and Financial Intermediaries, at ng Bicol Recovery and Development.