Bukod kina Robin at Echo… BOSSING VIC, SEXIEST MAN PARA KAY KORINA

ni Beth Gelena - @Bulgary Files | September 17, 2020

Last September 13 (Sunday), si Korina Sanchez ang guest ni Vice Ganda sa kanyang online show titled Gandang Gabi Na, Vice. Masayang kuwentuhan-tsikahan ang namagitan sa dalawang prominent celebrities.

Naitanong ni Vice sa broadcast journalist, "Sino 'yung mga nainterbyu mo na kinilig ka?"

Sagot ng Rated K host, kinilig siya sa mga actors na para sa kanya ay malakas ang "sexy vibes".

Ani Korina, "I feel talagang very sexy, meaning very nakakatakot... Alam mo 'yung 'pag nakaharap mo, parang nakakatakot? Si Vic Sotto."

May special something daw ang comedian-TV host ng Eat… Bulaga!.

Esplika ni Koring, "I really feel that one of the sexiest men I have interviewed is Vic Sotto. 'Pag si Vic ang kaharap mo, talagang si Vic, may something."

Dagdag nito, "Isa pa si Robin Padilla. Tapos, ang isa pa, si Jericho Rosales."

Sabi ni Vice, "Ang lalakas ng sex appeal ng mga nabanggit mong lalaki."

Sagot naman ng TV host, "'Yung tatlong 'yan, sa mga na-interview ko, ha, talagang meron silang tinatawag na kamandag."

Oh, ha? Coming from Korina, iba rin!!!