Lisa, binatikos ng ilang Korean netizens dahil sa mga kasuotan

by BRT @K-Buzz | October 8, 2026

Photo: BLACKPINK Lisa - @lalalalisa_m / IG

Binatikos ng ilang Korean netizens si BLACKPINK member Lisa matapos niyang magbahagi ng mga bagong larawan sa Instagram.

Napansin ng ilang netizens ang mga kasuotang suot ng singer na itinuring nilang masyadong revealing. Kumalat din ang mga larawan sa Korean media at naging sentro ng batikos online.

Ilan sa mga komento ay nagsabing hindi umano angkop ang ganitong mga larawan para sa isang singer na sinusubaybayan din ng mga kabataan.

May ilan ding ikinumpara si Lisa kay fellow BLACKPINK member Jennie dahil sa kanilang mga daring na kasuotan.

Dating LABOUM member Yujeong, ikakasal ngayong taglamig

by BRT @News | October 8, 2026

Photo: Courtesy Yujeong / IG

Inanunsyo ng dating miyembro ng K-pop girl group na LABOUM na si Yujeong na ikakasal siya ngayong taglamig.

Personal niyang ibinahagi ang balita sa pamamagitan ng isang handwritten letter na ipinost sa kanyang social media account nitong Oktubre 8.

Ayon kay Yujeong, nakilala niya ang isang lalaking nais niyang makasama habang-buhay. Aniya, nagbibigay ito sa kanya ng pagmamahal, ginhawa at seguridad.

Ibinunyag din niyang isang taon nang tahimik na naghahanda ang magkasintahan para sa kanilang kasal.

Hindi naman ibinahagi ni Yujeong ang pagkakakilanlan ng kanyang fiancé at ang eksaktong petsa ng kanilang kasal.

Umalis si Yujeong sa LABOUM noong Setyembre 2021 matapos mag-expire ang kanyang kontrata.

BTS’ Jungkook, binatikos ng fans dahil sa AI-generated video

by BRT @K-Buzz | October 7, 2026

Photo: K-pop Jungkook - Courtesy _mnijungkook & _bowwow_bam - IG

Binatikos ng ilang fans si BTS member Jungkook matapos siyang mag-share ng AI-generated video sa kanyang Instagram account.

Makikita sa video ang kanyang alagang aso na si Bam na tila sumasayaw ng choreography ng “Single Ladies” ni Beyoncé, kasama ang dalawa pang aso.

Ilang international fans ang nagpahayag ng pagkadismaya at hinimok si Jungkook na huwag nang mag-promote ng AI-generated content dahil sa mga isyung etikal at epekto nito sa environment.

Hindi naman ito ang unang pagkakataon na nakatanggap si Jungkook ng batikos mula sa fans kaugnay ng paggamit ng artificial intelligence.

Nauna nang nagpahayag ang ilang miyembro ng BTS tungkol sa kanilang pananaw sa AI, kabilang ang paggamit nito sa music at vocal covers.