ni Thea Janica Teh - | July 15, 2020
Suot ang magarbong gown, ang kolorete at mataas na sandals, ito ang mga pinaghahandaan ni Monica Afable bago sumalang sa pageant at rumampa sa harap ng maraming tao. Ngunit, naging viral si Monica nang makita itong rumarampa sa kalsada dala ang kaniyang paninda.
Isang 17-year-old beauty queen si Monica Afable mula sa bayan ng Borongan sa Eastern Samar. Sa pagsali sa mga pageant, nakilala ito bilang Miss Sinulog Festival Queen 2020.
Dahil sa pandemic, hindi pinayagang magkaroon ng mass gathering tulad ng contest at pageant. Kaya naman nag-isip si Monica ng paraan upang tuloy-tuloy pa rin niyang matulungan ang kaniyang pamilya.
Rumampa siya, hindi sa stage, kundi sa kalsada dala ang paninda niyang “shakoy” o pinipit na donut sa kanilang lugar.
Masaya itong dinadalhan ng merienda ang kaniyang mga kabaryo nang may ngiti tulad ng ipinapakita niyang ngiti sa mga sinalihan na pageant. Ito ang nakapukaw pansin sa mga netizen kaya naman agad na nag-viral.
Tunay ngang magandang halimbawa si Monica sa mga katulad niyang millennial at sa mga aspiring queen. Keep slayin’ bhie!