Batay sa SALN.. Villar at Pacquiao, bilyonaryo ng Senado

ni Lolet Abania | September 20, 2021

Nananatiling sina Senadora Cynthia Villar at Senador Manny Pacquiao ang mga bilyonaryo lamang sa Senado, kung saan bawat isa sa kanila ay mayroong net worth na mahigit P3 billion, batay sa kanilang inilabas na latest summary ng Statement of Assets, Liabilities and Net worth (SALN).

Base sa summary ng SALNs na na-post sa Senate website, si Villar pa rin ang richest lawmaker o pinakamayamang mambabatas na may net worth na mahigit P3.87 billion hanggang December 2020.

Kasunod si Pacquiao na may net worth na mahigit P3.18 billion.

Pumangatlo si Senate President Pro Tempore Ralph Recto na nasa listahan ng richest lawmakers na may net worth na mahigit sa P581 million, habang pumang-apat si Senate Majority Leader Juan Miguel Zubiri na may net worth na mahigit P220.7 million.

Nasa panglima naman si Senador Ramon “Bong” Revilla Jr. na may net worth na mahigit P179.9 million.

Samantala, si Senador Leila de Lima, ang nai-record na may pinakamababang net worth na nasa mahigit P9.5 million.

Narito ang ranking ng mga senador base sa kanilang idineklarang net worth na hanggang December 31, 2020:

• Villar - P3,875,696,435.00

• Pacquiao - P3,187,092,600.69

• Recto - P581,071,657.97

• Zubiri - P220,736,702.43

• Revilla - P179,958,909.30

• Senator Sonny Angara - P150,898,358.00

• Senate Minority Leader Franklin Drilon - P106,862,853.00

• Senator Grace Poe - P101,327,620.48

• Senator Sherwin Gatchalian - P91,213,596.57

• Senate President Vicente Sotto III - P85,643,477.63

• Senator Pia Cayetano - P84,591,678.21

• Senator Richard Gordon - P77,569,572.39

• Senator Lito Lapid - P74,948,600.00

• Senator Francis Tolentino - P59,812,000.00

• Senator Nancy Binay - P59,770,251.00

• Senator Panfilo Lacson - P58,330,268.50

• Senator Aquilino "Koko" Pimentel III - P37,203,400.00

• Senator Imee Marcos - P36,270,467.00

• Senator Ronald "Bato" dela Rosa - P34,383,136.29

• Senator Joel Villanueva - P33,029,725.00

• Senator Francis "Kiko" Pangilinan - P23,941,333.25

• Senator Christopher "Bong" Go - P22,274,508.68

• Senator Risa Hontiveros - P16,720,359.73

• De Lima - P9,544,111.68