Banchero, naka-unang 4pt shot, Fajardo sa 8th PBA MVP award

ni Clyde Mariano @Sports | August 19, 2024

Photo: Meralco Bolts / FB

Si Chris Banchero ang unang nakagawa ng 4-point shot sa kasaysayan ng PBA.

Naipukol ni Banchero ang 4-pt shot sa 10:25 mark ng second quarter sa laban ng Meralco Bolts at Magnolia Chicken Timplados Hotshots sa opening game ng PBA Governors' Cup Linggo ng gabi sa Smart Araneta Coliseum.

Samantala, kinilala ng Philippine Basketball Association (PBA) ang mga top athletes sa idinaos na taunang Leo Awards bago pa ang opening ceremony ng liga para sa 49th season.

Si San Miguel star player June Mar Fajardo ang nanguna sa listahan ng individual awardees nang pagwagian ang ika-8 PBA Most Valuable Player plum.

Kabilang sa First Mythical Team sina June Mar Fajardo (San Miguel), Christian Standhardinger (Terrafirma), Arvin Tolentino (NorthPort), CJ Perez (San Miguel), Chris Newsome (Meralco).

Ang mga nasa hanay ng Second Mythical Team ay sina Cliff Hodge (Meralco), Calvin Oftana (TNT), Jason Perkins (Phoenix), Stephen Holt (Barangay Ginebra), Juami Tiongson (Terrafirma). Habang ang Rookie of the Year ay si Stephen Holt (Barangay Ginebra, na unang naging rookie sa Terrafirma).

Ang All-Defensive Team ay sina Cliff Hodge (Meralco), June Mar Fajardo (San Miguel), Kemark Cariño (Terrafirma), Joshua Munzon (NorthPort), Chris Newsome (Meralco). Most Improved Player si Jhonard Clarito (Rain or Shine). Ang Samboy Lim Sportsmanship Awardee ay si Paul Zamar (NorthPort).