ni GA @Sports | September 16, 2023
Humiwalay ng landas sina Roselle Baliton at May Luna sa koponan ng Chery Tiggo Crossovers bago magsimula ang 2nd All-Filipino Conference ng Premier Volleyball League (PVL) sa susunod na buwan.
Inanunsiyo ng Chery Tiggo sa kanilang social media account ang pakikipaghiwalay ng landas sa dating University of the East Lady Warrior na si Baliton at dating De La Salle University Lady Spikers na si Luna. “Thank you Roselle and May. Mutual agreements have been reached as we part ways with two of our players in Roselle Baliton and May Luna,” ayon sa Instagram post ng koponan. “It’s been a pleasure to see you don our colors, and the CHERRY fam means and wishes you two nothing but the best.”
Naging isa sa mga maiinit na manlalaro galing ng Davao del Norte ang 25-anyos na outside hitter matapos magpasikat ng husto sa Philippine National Games at Palarong Pambansa. Nagwagi ito ng Best Outside Hitter sa 2015 Shakey’s G-League at inabangan sa kanyang rookie year sa DLSU Lady Spikers.
Hindi naman masyadong nagtagal ang pananatili ng middle blocker sa Crossovers ng minsan itong naglaro sa Sta. Lucia Lady Realtors at Petron Blaze Spikers sa Philippine Super Liga, habang naglaro itonsa Balipure Purest Water Defender sa PVl.