Babala ng malaking gulo

ni Estrellia de Luna @Panaginip gabay ng buhay | Pebrero 27, 2023

Analisahin natin ang panaginip na ipinadala ni Tessie ng Aklan.

Dear Maestra,

Napanaginipan ko na may concert akong pupuntahan, pero hindi ko alam ang isusuot kong damit. Binuksan ko ang aking aparador at kumuha ako ng iba’t ibang style ng kasuotan.

Nakapili naman ako, kaya umalis ako ng bahay at nanood ng concert.

Ano ang ibig sabihin ng panaginip ko?

Naghihintay,

Tessie

Sa iyo, Tessie,

Ang ibig sabihin ng panaginip mo na binuksan mo ang iyong aparador, kumuha ng iba’t ibang style ng damit upang pumili ng isusuot papunta sa concert ay babala na dapat kang umiwas sa gulo.

Samantala, ang umalis ka ng bahay upang manood ng concert ay nangangahulugan na may posibilidad na madamay ka sa isang malaking gulo dahil sa mga hindi mapagkakatiwalaang kaibigan. Piliin mo lamang ang mabubuti at maaasahang kaibigan sa sandali ng kagipitan.

Kailangang maging matalas ang iyong pakiramdam upang makaiwas ka sa kapahamakan.

Matapat na sumasaiyo,

Maestra Estrellia de Luna