Ayaw paniwalaan, nagpasaklolo na sa doktor… KATHRYN, TODO-PRAMIS NA 'DI RETOKADO ANG ILONG

ni Ador V. Saluta - @Adore Me! | December 14, 2020

Sa game na “Never Have I Ever” na ikinasa ng dermatologist-to-the-stars na si Aivee Teo, nagpaunlak ang Kapamilya actress na si Kathryn Bernardo sa pagsagot sa ilang questions tungkol sa pangangalaga sa ating skin.

Sa parehong vlog, sinagot ni Kathryn ang ilang tanong tungkol sa kanyang personal na buhay including one about ever breaking up with someone or falling in love at first sight.

Sa parehong tanong, "never" ang sagot ni Kathryn.

Pero ang most controversial question na naitanong sa aktres sa nasabing game ay kung nasubukan ba niyang mag-undergo sa isang cosmetic surgery in the past.

Sa parte ni Kathryn na pinagdududahan ang tangos ng ilong noon pa at sinasabing nagparetoke, sinabihan niya ang host na si Aivee to answer the question for her.

“Doc, please, pakilinaw naman. Siyempre, ‘pag sinabi kong never, sasabihin nila, idini-deny ko na naman,” lahad ni Kathryn.

Kasunod nito, aniya ay tanging sa dental surgery lang siya sumubok.

"So considered ba ang wisdom tooth removal ko?” muli niyang tanong kay Aivee.

Si Dr. Aivee na ang nagpaliwanag para kay Kathryn.

“It’s a common question, ha? Parang they would ask me, ‘Did Kath have her nose done? Kasi her nose is not the same.’ But I would always say ‘No!’ I think it’s a good time to clarify. I think people are asking. And they’re so intrigued,” paglilinaw ni Dr. Aivee.

Sagot naman ni Kathryn, “No, I swear. Kasi si Doc Aivee, ‘di ka naman niya pipilitin if you’re not comfortable with it. And I’m happy with my nose. Siguro, when I got thinner and medyo tumanda, kaya siya lumiit.”

Nagpaliwanag si Aivee kung bakit nagkaroon ng pagbabago sa ilong ng aktres simula noong bata pa ito.

“Kasi when your face gets slimmer, lumalabas ‘yung feature mo. So nagde-develop din ‘yung nose as you get older.”

Singit ni Kathryn, “I swear, si Doc Aivee, walang ginawa sa nose ko or any doctors before Doc Aivee, just to be clear.”

Pinuri naman ni Dr. Aivee ang naging pahayag ni Kathryn.

Aniya, “That’s nice that it’s coming from you, Kath. Because I think a lot of people are curious and they’re interested to know and they want to know the truth straight from you.”

Wala naman daw siyang pagkontra sa mga nais kumonsulta sa "salamat po, doktor" kung nakikita ng isang tao na mas gaganda siya kapag nagparetoke.

“If you want to have a surgery, wala naman ding problem du’n,” pagtatapos ni Kathryn.