Asiad: Pagwagayway ng Phl flag, soft tennis sinimulan

by Gerard Arce @Sports News | September 18, 2026

• 

• 

Photo: Nagpalitan ng souvenirs sina Philippine Olympic Prexy Abraham Tolentino at Nagoya City Mayor Ichirō Hirosawa matapos ang pagwagayway ng mga bandilang kasapi sa Aichi-Nagoya Asian Games. (pocmedia)

Dinaluhan ni Philippine Olympic Committee (POC) President Abraham “Bambol” Tolentino ang pormal na paglalagay ay pagwagayway ng bandila ng Pilipinas sa Athletes' Village (AV) sa Aichi-Nagoya, kahanay ang watawat ng mga kalahok na bansa, bilang hudyat sa 20th edition ng Asian Games.

Sinaksihan ni Tolentino ang makasaysayan at kahanga-hangang tagumpay ng bansa kasama sina Chef De Mission Richard Lim ng Karate, gayundin ang mga deputies na sina Samahang Basketbol ng Pilipinas (SBP) Executive Director Erika Dy, Jarryd Bello ng Curling Pilipinas, Jop Malonzo ng Vovinam, Dr. Gabe Zetazate, at mga miyembro ng delegasyon ng Team Philippines.

Nagkaroon pa ng espesyal na palitan ng regalo kay Nagoya City Mayor Ichirō Hirosawa at Tolentino. Umaasa ang Pilipinas na mahihigitan ng 460 atleta at mahigit sa 700 delegasyon ang apat na gintong medalya na nakuha sa 2022 Hangzhou Asian meet at target ang 8 ginto.

Maaaring magbigay ng gold medals sina 2024 Paris Olympic double gold medalist Carlos Yulo, 2-time Olympian Ernest “EJ” Obiena, at Filipina tennis star Alexandra “Alex” Eala, gayundin mga weightlifters at athletics.

Sasabak ang mga pambato ng bansa sa soft tennis na sina multi-medalist Bien Zoleta (Noelle Zoleta-Mañalac), Princess Catindig, Christy Sañosa, Shyryn Salazar at Hilary Paas para sa women’s team at sa men’s side.